Avtoqraf sessiyası 2-illik fasilədən sonra Azərbaycan qran-prisinə qayıdır

Formula-1 azarkeşlərinin səbirsizliklə gözlədiyi avtoqraf sessiyası 2-illik fasilədən sonra Azərbaycan qran-prisinə qayıdır. Allsport.az saytı xəbər verir ki, avtoidman həvəskarları yarış həftəsi çərçivəsində – iyunun 11-də məşhur pilotlarla yenidən görüşmək imkanı qazanacaqlar. Bütün bilet sahibləri Formula-1 şəhərciyi ərazisində baş tutacaq avtoqraf sessiyasında öz sevimli ulduzlarını görə biləcəklər.

Formula 1-in üçüncü sərbəst yürüşündən əvvəl nəzərdə tutulan avtoqraf sessiyasında azarkeşlər kral yarışlarının ulduz sürücüləri ilə görüşmək, xatirə şəkli çəkdirmək və xüsusi imzalı kartları özləri ilə götürmək imkanı əldə edəcək, bu möhtəşəm görüşdən xoş təəssüratlarla ayrılacaqlar.

Bilet sahiblərindən avtoqraf sessiyalarının bir hissəsi olmaq və avtoidmanın məşhurları ilə görüşmək üçün əvəzolunmaz şansı əldən verməmək üçün Azarkeş Zonasına erkən gəlmələri xahiş olunur.

Avtoqraf sessiyaları ilə yanaşı, bu ilin bilet sahibləri pit zolağında gəzə biləcəklər. Pit zolağı gəzintisi iyunun 9-na nəzərdə tutulub. Yalnız 3-günlük bileti olan tamaşaçılar pit zolağında gəzə biləcəklər.

Həmin kateqoriyadan