“Bu oğlan gələcəkdə çempion olacaq”

UFC-nin sabiq ulduzu Xorxe Masvidal rusiyalı döyüşçü Maqomed Zaynukovun gələcəyi barədə fikirlərini bölüşüb.

Allsport.az xəbər verir ki, amerikalı keçmiş döyüşçü UFC-də debütünü qələbə ilə başa vuran Zaynukovun çempion ola biləcəyini bildirib:

“Əgər Maqomed güləşdən də yaxşı müdafiə oluna bilirsə, düşünürəm ki, bu oğlan gələcəkdə UFC çempionu olacaq”.

Maqomed Zaynukov ötən həftə UFC-də ilk döyüşünə çıxaraq polşalı Damian Jepetski üzərində hakimlərin yekdil qərarı ilə qələbə qazanıb. Rusiyalı idmançı peşəkar MMA karyerasında keçirdiyi 9 görüşün hamısından qalib ayrılıb.