Dvalişvili – Yan döyüşünün tarixi

Ən yüngül çəkidə keçmiş UFC çempionu Pyotr Yan (19-5) 7 dekabrda hazırkı titul sahibi Merab Dvalişvili (21-4) ilə döyüşəcək.

Allsport.az xəbər verir ki, qarşılaşma Las-Veqas şəhərindəki “T-Mobile Arena”da keçiriləcək. Döyüş Bakı vaxtı ilə səhər saat 6:00-da başlayacaq.

Onların ilk döyüşü 2023-cü ilin martın 11-də baş tutub. Həmin görüşü Dvalişvili hakimlərin yekdil qərarı ilə qazanıb.

Əgər gürcü döyüşçüsü Yana qalib gələrsə, tarixdə bir təqvim ilində kəmərini dörd dəfə qoruyan ilk UFC çempionu olacaq.