Norris birinci oldu, Ferstappen finişə çata bilmədi

Formula-1 üzrə Avstriya qran prisinə yekun vurulub.

Allsport.az xəbər verir ki, Şpilberq halqasında keçirilən yarışın qalibi “Maklaren”in Lando Norris olub.

Britaniyalı sürücünün komanda yoldaşı Oskar Piastri ikinci olub. İlk “üçlüy”ü “Ferrari”dən Şarl Lekler qapayıb.

“Red Bull”un sürücüsü Maks Ferstappen turnirin ilk dövrəsində “Mersedes”in pilotu Andrea Kimi Antonelli ilə qəzaya uğradığı üçün finişə çata bilməyib.

Azərbaycan qran prisi 19-21 sentyabrda keçiriləcək.