Ramanada yeni idman zalı

Oktyabrın 16-da Yeni Ramana qəsəbəsində “Arzuman” MMA-fitnes zalı fəaliyyətə başlayıb. Allsport.az saytı xəbər verir ki, idman qurğusu tanınmış MMA-çı Nəriman Abbasov tərəfindən istifadəyə verilib.

Zalın açılışında gənclər və idman naziri Fərid Qayıbov, səbəbkarın məşqçisi Şəhriyar Abbasov və digər şəxslər iştirak ediblər.

Nazir zalla tanış olub, burada yaradılmış şərait və müasir məşq avadanlıqları ilə yaxından maraqlanıb, idmançılarla görüşərək onlarla söhbət edib.