UFC əfsanəsi kimləri ən güclü saydı?

UFC əfsanəsi Corc Sen-Pyer, qarışıq döyüş sənətləri tarixində ən böyük döyüşçüləri kim hesab etdiyini açıqlayıb. Allsport.az saytı xəbər verir ki, o, ilk olaraq Roys Qreysin adını çəkib:

“Roys Qreysi deyərdim, çünki döyüş sənətinə başlamağımın səbəbi və məni ilk ilhamlandıran o idi. Demetrius Consonu da əlavə edərdim, Hər kəs eyni çəkidə olsaydı, sən daha yaxşı döyüşçü olardın.

Con Consu deyərdim. Əgər bir yarış keçirsəydik və kimisə Kolizeyə qoymalı olsaydıq, yəqin ki, o, ən yaxşı döyüşçü olardı. Bir neçə namizəd var – məsələn, Fyodor Yemelyanenko və ya Tom Aspinal. Amma düşünürəm ki, Con Cons öz rekorduna görə [ondan] daha yüksəkdir.

Anderson Silvanı da əlavə edərdim. O, sanki “Matrix”dən çıxmış biri idi. Adını çəkə bilsəydim, Konor Makqreqoru qeyd edərdim, çünki o, idmanı görünürlük baxımından başqa bir səviyyəyə qaldırıb”.