Bakı tennis akademiyasında beynəlxalq yarış

Gənclər və idman nazirliyi ilə Azərbaycan tennis federasiyasının birgə təşkilatçılığı ilə Heydər Əliyevin xatirəsinə Avropa tennis turnirlərində 14-16 yaşlı idmançıların mübarizəsinə start verilib.

Allsport.az saytı xəbər verir ki, Bakı tennis akademiyasında 13 ölkədən 14 yaş qrupunda 58, 16 yaş qrupunda isə 39 oğlan və qız tennisçi iştirak edir.

Yerli idmançılarımızdan Raul Məlikov, Mikayıl Feyzullayev, Nazim Məlikov, qızlardan isə Mədinə Qurbanova, Ayşən Kərimli və Cahan İsmayılova qalib adı uğrunda mübarizə aparırlar.

Bu yaş kateqoriyasında yarışa mayın 10-da yekun vurulacaq.