“Oyundan əvvəl çox həyəcanlı idim”

Allsport.az xəbər verir ki, rusiyalı tennisçi Mirra Andreyeva Avstraliya açıq çempionatının 1/32 final mərhələsində dünyanın 6-cı raketkəsi Ons Jabeur üzərində parlaq qələbədən sonra danışıb:

“Oyundan əvvəl çox həyəcanlı idim, çünki Ons öz oyunu ilə məni qorxudurdu. VTA-da oynamağa başlamazdan əvvəl həmişə onun matçlarını izləyirdim və həmişə ruhlanırdım.

Ona qarşı oynamaq şansım oldu və düzünü desəm, ilk setdə heyrətamiz tennis oynadım. Özümdən bunu gözləmirdim. Bu, yəqin ki, ən yaxşı matç idi. Bu gün meydanda göstərdiyim səviyyədən çox razıyam”.