“Prezident kuboku” beynəlxalq reqatasının son günündə qızıl medal!

Gənclər və idman nazirliyinin dəstəyi ilə Azərbaycan kanoe və avarçəkmə federasiyasının ümummilli lider Heydər Əliyevin anadan olmasının 102-ci ildönümünə təşkil etdiyi “Prezident kuboku” beynəlxalq reqatası sona yetdi. 

Allsport.az saytı xəbər verir ki, yarışın 3-cü günündə 1 təmsilçimiz fəxri kürsüyə çıxdı. Birnəfərlik kayak qayığında 1000 metr məsafədə Əlimurad Hacızadə (2009-2010) bütün rəqiblərini üstələdi.

2009-2010 təvəllüdlü təmsilçilərdən İvan Vorobyanski / Hüseyn Həsənov cütü 200 metr məsafəyə kayak yarışında gümüş, Vacib Babayev / Nuran Rəhimli cütü isə bürünc medal əldə edib.

Eyni növdə 2011-2012 təvəllüdlülərdən Əziz Əhmədli / Kamal Tağıyev cütü gümüş, Sənan Cəfərzadə / Tahir Mövsumov isə bürünc medal qazandı.

2006-2007 təvəllüdlülərin akademik avarçəkməsində Nurlan Paşayev / Cahangir Məmmədli cütü 2-ci yer tutdu.

Elvin Əliyev / Niyaz Malikov cütü (2007-2008) kanoe qayığında 200 metr məsafəyə yürüşdə 3-cü sırada qərarlaşdı.

Bu reqatada 20 ölkədən 200 idmançı iştirak etdi.