“Real” məşhur tennisçiyə dəstək oldu

“Real” Rafael Nadala dəstək yazısı dərc edib.

Allsport.az xəbər verir ki, ispaniyalı “Rolan Qarros”un ilk turunda almaniyalı Aleksandr Zverevə uduzub (6:3, 7:6 (7:5), 6:3). 14 qat turnirin qalibi karyerasında ilk dəfə birinci mərhələdə mübarizədən kənarlaşdırılıb.

“Siz həm meydançada, həm də meydandan kənarda bizim üçün həmişə gözəl nümunəsiniz, əziz Rafael. Madridistlər sizin kimi əfsanəvi idmançı ilə çox fəxr edirlər.

Biz hər zaman, bütün sınaqlarda sizinlə olacağıq. Davam et, Rafa!” – klubun açıqlamasında deyilir.