Şevçenkodan uğurlu start

Rusiyalı tennisçi Aleksandr Şevçenko Bazeldəki turnirə qələbə ilə başlayıb.

Allsport.az xəbər verir ki, dünyanın 83-cü raketkası Şevçenko ilk dövrədə keçirilən görüşdə hazırda ATP reytinqində 45-ci yerdə olan 3 qat “Böyük Dəbilqə” qalibi Stanislas Vavrinka ilə qarşılaşıb.

Rəqiblər arasında 1 saat 47 dəqiqə davam edən görüş hər 2 setdə Şevçenkonun qələbəsi ilə yekunlaşıb – 6:3, 7:6 (10:8).