“Çimərlik güləşi tarixində ilk dəfə qızlarda komanda hesabında qalib olduq”

Nardaranda “Dəniz küləyi” istirahət mərkəzində çimərlik güləşi üzrə yeniyetmələrin dünya birinciliyində Azərbaycan təmsilçiləri 2 qızıl, 2 gümüş və 4 bürünc medal qazandı. Allsport.az xəbər verir ki, qızlar ümumi hesabda 1-ci, oğlanlar 2-ci oldular. Millinin baş məşqçisi Oyan Nəzərli idmançılarımızın çıxışını yüksək dəyərdirdi:

“Biz hər zaman güləşçiləri bütün yarışlarda qızıl medallara kökləyirik, onları uğurla məşq etdiririk, DGB qaydaları çərçivəsində bütün imkanlardan yararlanırıq. Hər çəkidə 3 təmsilçimizin hamısı mükafatlara layiq idilər.

Allaha çox şükürlər olsun, cəmdə 2 qızıl medal qazandıq. Çimərlik güləşi tarixində ilk dəfə qızlarda komanda hesabında qalib olduq. Öğlanlar 2 qızıl və 2 bürünclə ümumilikdə 2-ci yerdə qərarlaşdılar, İranla eyni əyarda eyni xal (85) topladılar. Sadəcə, rəqibin 2-ci saylı idmançının əmsalda yüksək olması səbəbindən bizdən öndə dayandı”.