Gənclər və idman nazirinin Pekin olimpiadasına səfəri başa çatır

Gənclər və idman naziri Fərid Qayıbovun Çin Xalq Respublikasına 3- günlük səfəri bu gün başa çatır. Allsport.az saytı xəbər verir ki, bu müddətdə o, Pekin qış olimpiya oyunlarında müxtəlif idman növləri üzrə yarışları izləyib. Ölkəmizi təmsil edən idmançılarımız Vladimir Litvintsev və Yekaterina Ryabova ilə görüşüb.

Səfər çərçivəsində nazir Fərid Qayıbov bir sıra beynəlxalq görüşlər də keçirib. O cümlədən, bu gün Çin Xalq Respublikası idman nazirinin müavini, Çinin Olimpiya Komitəsinin vitse-prezidenti Li Yunqçuanla görüşüb. İki ölkə arasında idman sahəsində əməkdaşlıq məsələləri və qış olimpiya oyunlarının təşkili müzakirə olunub. Görüşdə Pekin-2022-də olimpiya komandamızın rəhbəri Anar Bağırov da iştirak edib.

Fevralın 15-də mübarizəyə başlayan fiqurlu konkisürənimiz Yekaterina Ryabovanın olimpiya oyunlarında çıxışını izləyəcək nazir Fərid Qayıbovun Pekinə səfəri bu gün başa çatacaq.